Ta vare på jordbæra

Når dei norske jordbæra no byrjar å poppe opp i hagen, hjå naboen, eller i butikken så er det berre å hamstre.

Skjer av hamsen (det grøne) og legg dei på eit glas eller gjerne plastikkboks. Gjenbruk er perfekt her, rosinboksar, syltetøyboksar, alt kan brukast berre det er tett lokk. 

Fyll boksen eller glaset heilt opp med heile eller oppdelte bær. Du får plass til fleire om du delar dei i to eller fire. Frys ned med ein gong. Sukker er unødvendig. 

Når du skal på tur, tek du berre opp eit glas frå frysen, det tinar undervegs i sekken, kajakken eller i strandkorga. Det fungerer også perfekt som midlertidig fryse-element hvis du i tillegg vil ha med noko god ost eller krem til å ha attåt. 

Når dei er ferdig tinte, har det laga seg ein nydeleg saus i lag med bæra og det er berre å nyte den friske, søte smaken. Sunt, enkelt og godt!

Gjerne på kjeks med Snøfrisk, krem med litt vaniljekrem i, eller på nysteikte pannekaker. 

Kos deg med jordbær heile året!

Vintertips

Vil du ha jordbær på vinteren tiner du berre glaset heime først. Er det mange minusgrader og ein kort tur, kan du gi dei litt varme på primusen.

Er turen lang, kan du med fordel ha bæra med i ein pose.

Slik held dei seg singelfrosne og du kan berre legga dei i kasserollen med pittelitt kokande vatn. 

Sommartips

Er det ein varm sommardag er bæra nydelege om dei ikkje har tina heilt.

Pakk behaldaren inn i ei avis og vidare inn i noko klede i sekken, så held dei seg halvfrosne lenger.