Turmat – oppskrifter

Turmiddag 

Til 4 svoltne personar

8 grove lefser eller potetkaker

600 g kjøtdeig av hjort, storfe eller elg

1 ss godt smør til steiking av kjøt og sopp

3 ss solbærsirup eller anna konsentrert saft av til dømes rips og bringebær

1 pakke seterrømme

150 g sopp, aromasopp frå butikken eller kantarell/piggsopp frå skogen

1 raudlauk

Litt grønkål, om lag 3 store blad

2 raspa eple

1 pakke Snøfrisk (med kantarell om du finn den varianten)

Nokre tyttebær

Salt og pepar

Framgangsmåte

Smør osten på den eine sida av alle lefsene.

Steik kjøtdeigen godt, krydra godt med salt og pepar.

Bland i eit beger med sæterrømme og ha i solbærsirup.

Steik soppen for seg med litt smør, salt og papar.

Legg ei tjukk stripe midt på lefsa med kjøtblandinga, strø over finhakka raudlauk, grønkål, raspa eple og til slutt nokre tyttebær.

For ei smaksoppleving!

Pakk lefsene inn i matpapir og et dei kalde eller bruk aluminumsfolie om du vil varma dei på bålet.

Du kan også bruka ei steikepanna med lok over svak varme, for å varma dei litt før servering.

Retten kan brukast både som nistemat og fullverdig middag på tur.

Håpar det smakar UTE!