Når kulda sett inn og kveldane vert lange, kan du svinga deg på kjøkkenet for å laga tursnop.
Smakfulle kjeks og sjokolade med det beste du veit av frukt og nøtter er fint å ta med seg på tur.
Ikkje berre smakar det godt, det er også supert å gi som gåve til turkompisen.
Kjeks med cashewnøtter og sjokolade
180 g smør
1,5 dl sukker
1,5 dl brunt sukker
3 egg
1,5 ts natron
1 ts ekte vaniljesukker
3,75 dl rugmjøl
2,5 dl cashewnøtter
200 g sjokolade
Skru omnen på 180 grader og finn fram ein stor bolle til å blanda i. Rør mjukt smør og sukker saman før du ha i egga. Visp godt saman før du har i dei tørre ingrediensane. Hakk nøter og sjokolade i små bitar og bland alt godt saman. Bruk ei lita spiseskei til å forma små kuler på eit bakepapir med litt mellomrom. 16 kjeks går på eit vanleg bakebrett. Steik dei midt i omnen i omlag 10 minutt. Vil du ha dei sprø, kan du ha dei lenge på ei avkjølingsrist og gjerne innatt i omnen berre på varmluft. Eg tykkjer desse kjeksa er best når dei er litt mjuke, og då har eg dei i ein tett boks rett etter at dei er avkjølte.
Prøv også å lage energibarer som ikke fryser eller natronkaker på bål!
Hjemmelaget fruktnøtt
Egenkomponert fruktnøtt kan være litt av en overraskelse til turvennene dine.
120 g nøtter og tørka frukt etter eige ynskje (til dømes macadamianøtter, valnøtter, mandlar og tørka tranebær)
400 g mørk sjokolade (til dømes Odense mørk chokolade 70 %)
1 ts kokosfeitt eller smør
Finn fram ei stor brødform og kle med bakepapir.
Strø nesten alle nøttene og tørka frukt i botnen.
Varm sjokolade og feittet i eit vannbad (kokande vatn i ei panna, ein metall/glasbolle oppi), til det er heilt flytande.
Hell over nøtene og frukta og strø tilslutt dei siste nøttene på toppen som pynt.
Nytast i kald, skarp friluft saman med varm epletoddy eller kaffi.
Turmat
Sigrid Henjum er UTEs faste turmatekspert.
