Når du tek deg ein tur i skog og mark, er det mykje av det rundt deg du kan eta og nytta deg av. Brennenesla finn du nesten overalt, Kanskje har du oppdaga den allereie?
Brennesle stikk ikkje og du kan eta han slik han er, full av C-vitamin og smak. Det er på utsida av blada og på stilken at piggane som gir deg vabler sit.
Finn du unge små vekstar, plukk av øvste toppen. Blada kan du ta på frå undersida, rulla saman til ein ball og eta.
Brennenesla har mange bruksområde, og her skal du få oppskrifta på suppe, te og brennenesle-pesto. Suppe og pesto lagar du når planta er fersk – et og nyt no, eller frys ned.
Til te og brød turkar du brennenesle ved å knyte saman små buntar som er dekorative når du heng dei i glaskarmen på kjøkenet.
Det kan vera lurt å bruke hanskar og ei saks når du haustar inn.
Brenneneslesuppe
1 løk
50 g godt smør
2 terningar grønnsaksbuljong
6 dl vatn
2 dl kremfløyte
1 liter finhakka brennenesle
salt, pepar og litt chili
Hakk opp løk, surr i godt smør og ha i grønnsaksbuljongen slik at den løyser seg opp.
Tilset vatn og finhakka brennenesla, la det koka i omlag fem minutt, før du tilset fløyte og krydder. Etter at det har bobla i fem minutt til, er suppen klar, og folk vert vanlegvis overraska over kor godt det er.
Serverast med kokt egg, skiva med smør og kvitost. Perfekt sommarmat!
BRENNESLE PÅ PRIMUS: Brennesle finn du langs vegkanten heile sommaren
Brenneneslepesto
Omlag 5 dl brennenesle
1 dl olje(raps eller smaksnøytral olivenolje)
ein liten neve valnøtter eller pinjekjernar
ei klype salt
litt ost (parmesan, lokal kvit geitost eller fetaost)
Smakar nydeleg på fisk som skal bakast i omn, eller på nybaka brød.
Brennenesle-te
Turk brennenesle i glaskarmen og lagre den på eit tett glas til hausten og vinteren. La blada trekka i vatn og server, gjerne med litt god honning eller sirup.
TIPS: Turka brennenesle kan du også strø i brøddeigen, ser fint ut og smakar godt!
Kos deg ute i alt det grøne!
• Potetsuppe med skogpynt
