Eg likar røykelaks betre enn rogn og serverer derfor bilinis med røykelaks, kremost og pyntar med einebær som er blitt modne.
Pannekaker er fin og enkel turmat. Denne oppskrifta er med russisk swung.
Ingredienser
3 egg
3 dl mjølk
3 dl bokkveitemjøl
1,5 dl kveitemjøl
75 g smelta smør
Ei lita klypa natron
Ei god klypa salt
Garnityr
Røykt laks
Einebær
Kremost
Raudlauk
EINEBÆR
Visste du at einebær er ei kongle? Og at bæra er stappfull av antioksidantar?
Skil eggplommne frå kviten og bland plommen saman med resten av ingrediensane. Pisk eggekvitane stive og vend dei inn i røra til slutt. Røra skal verta nokså tjukk.
Ta ei stor skei og legg røra på steikepanna. Avhengig av kor stor steikepanna du har, så får du plass til 4 eller fleire pannekaker i slengen.
Lagar du røra ute på tur kan du ha egga rett i røra utan å skilja dei, det går fint det og. Godt blir det lell!
Når pannekakene er litt avkjølte serverar du med kremost, røykelaks og nyplukka einebær. Gjerne også litt finhakka raudlauk.
Retten kan brukast både til frukost, lunsj, snacks eller kveldskos. Til sistnemnde høyrer det nok blank, sterk drikke til, slikt dei er kjende for i Russland.
SKÅL PÅ RUSSISK
ваше здоровье/na zdorovje
