Prøv å fylla ein paprika med godt fyll og legg han i glørne på bålet.
Her er oppskrifta til ein klassisk variant med kjøttfyll – og eit vegetar-alternativ.
Fylte paprika
Dette treng du til 2 personar
• To store paprika
• Omlag 200 g kjøtdeig av kyr, svin eller kylling*
• 1 boks med bønner, til dømes kindneybønner eller bønnemix, omlag 1 ss bønner pr paprika
• 1 ss hakka lauk per paprika
• Mais på boks, omlag 1 ss pr paprika
• Kvitlauk, 2-3 fedd
• 4 ss tomatpure
• 100 g kvitost, raspa eller i bitar
• 1/2 ts cumin
• litt salt og pepar
Fylte paprika –vegetar
il den vegetariske retten byter du ut kjøtet med same mengde valnøtter og mandlar.
Slik gjer du – heime før tur
Skal du laga vegetarretten må du legga mandlane og valnøttene i rikeleg med vatn over natta. Så finhakkar du nøtene med stavmiksar eller ein foodprocessor. Ha i litt olje om det verkar tørt.
Legg nøttefarsen eller kjøtet i ein bolle.
Tilsett dei andre ingrediensane, utanom osten og bland godt. Viss det er kaldt ute, eller du vil at maten skal verta fort ferdig kan du steika kjøtdeigen før du har han i. Men har du litt tid, vert kjøtdeigen steikt inni paprikaen.
Skjer paprikaen nesten over, nokså nærme toppen/stilken. Opna forsiktig, slik at loket framleis heng saman med resten. Ta ut innmaten med alle frøa. Fyll paprikaen heilt opp med blandingen og legg osten på toppen. Knyt ein hyssing rundt paprikaen, slik at loket sit på plass.
Pakk «presangen» inn i matpapir og frakt det med deg ut på tur.
Slik gjer du – ute:
Lag eit bål med store kull-brikettar i midten, eller bruk ved. Poenget er at det skal verta godt og varmt, men det skal ikkje vera flammar når du legg på paprikaen.
Lag ei stor nok flate i midten av bålet til å få plass.
Når paprikaen «kokar over», kan du sjå om det nærmar seg ferdig ved å letta på lokket.
Hyssingen svir seg av etter ei stund, men han gjer til at du kan rulla rundt på paprikaen i starten utan at fyllet ramlar ut.
Fisk godsaken ut av bålet, opp i ei skål og et den med skei eller gaffel.
Nydeleg lunsj, middag eller forrett. Kos deg!
