Sjølvsagt går det an med heimelagd fiskegrateng på tur. Her får du oppskrift på ein klassisk variant, og ein for langtur.
Er det kaldt ute, kan det vera lurt å kutta og raspa grønsakene på førehand som du tar med i ein pose eller boks. Eggeblandinga kan du ha i ei lita flaska, slik at dei ikkje frys i skalet på tur.
Fiskegrateng – laga frå botnen av
4 porsonar
500 g kvit fisk som torsk, hyse eller sei
2 dl ukokt makaroni, gjerne fullkorn
1 vårlauk
2 raspa gulrøter
2 ss godt smør
5 dl mjølk
4 ss kveitemjøl
2 ss godt smør
3 egg
1 ts salt
1,5 l vatn til å koka makaroni og fisk i.
2 lyse, knuste knekkebrød (f.eks Wasa-frukost).
UTSTYR: Ein kasserolle på omlag 3 liter, og ei steikepanne.
Framgangsmåte
Kok makaronien til han er nesten ferdig og legg fisken i same vatnet.
Skru ned varmen og la fisken trekka til han delar seg opp.
Ta fisken ut or vatnet og sil så av vatnet.
Bland mjølk og kveitemjøl til jamning. Det luraste er å bruka ei flaska og rista laus.
Tilset ein smørklatt og jamninga i makaronien på svak varme. Pass på at det ikkje svir seg, ta heller panna av primusen.
Rør godt rundt medan du tilset egga.
No vert då ein tjukk kvit saus og då er det klart for å bland i grønsaker, krydder og ferdigkokt fisk. Rør alt saman på svak varme.
Er du lika glad i ost som meg, kan du gjerne blanda i litt raspa ost i blandinga.
Knus knekkebrøda i ein pose, og steik smulane på steikepanna.
Server gratengen porsjonsvis og strø på steikte, varme smular.
Enklare fiskegrateng – for lengre turar
4 pers
500 g kvit fisk, gjerne kokt og plukka i småbitar på førehand
2 dl ukokt makaroni, gjerne fullkorn
2 ss godt smør
1 pose med fiskesaus/suppe i pulverform
3/4 pose tørrmjølk
6 dl vatn
2 raspa gulrot
1 vårlauk i småbitar
1/2 ts salt
2 lyse knuste knekkebrød
UTSTYR: Ein kasserolle på 3 liter og ei steikepanna.
Kok makaronien nesten ferdig i vatnet med salt.
Sil ikkje av vatnet, men ha i smør, tørrmjølk og sauspulver medan du rører godt. Bruk gjerne visp.
La det småkoka i nokre minuttar. Tilset grønsaker og fisk, rør godt rundt på svak varme.
Ha i raspa ost om du vil. Server med steikte smular på toppen.
