Arme riddarar har vorte ein meir kjend variant av sine rike brør – rike riddarar. Inni er dei like, for der ligg det ei skive brød som gjerne er tørt.
Skilnaden er kor mykje søtt og godt du blandar dei i før du steiker dei på panna.
Arme riddarar
TA MED
Egg (i pakke eller i flaske)
Brød
smør
ost
Steikepanne/primus
Er du heldig, finn du blåbær du undervegs.
UTE: Legg brødskiva i ei skål eller ein kjele og la egga trekka inni brødet. Skal du ha det som lunsj vil eg tilrå å ha litt salt og litt urter i eggeblandinga, gjerne saman med ein skvett mjølk. Er du ein oste-elskar kan du ha raspa eller skiva ost på brødet.
Eg tok eggeblandinga nøytral og hadde heller på ein god dose nyrørde blåbær til mitt lunsjmåltid. Du kan også ha sukker og kanel i eggeblandinga for å gjera det til dessert.
Fakta
Legg du brødskiva (som gjerne kan vera loff eller julebrød ) i fløyten for å trekka til seg væska.
Rike riddarar
TA MED
Fløyte, vikingmjølk (på boks), eller tørrmjølk.
Brød
Kransekakemasse
Gjerne litt sukker og kanel
Smør
Steikepanne må vera med!
UTE: Legg brødskiva (som gjerne kan vera loff eller julebrød ) i fløyta eller mjølka for å trekka til seg væske. Har du med tørrmjølk er det berre å tilsetje vatn, som skildra på boksen og piska godt opp.
Ta ein kniv og legg tynne lag av kransekakedeigen på begge sider før du steiker skiva i godt smør. Strø på med sukker og kanel.
Her kan du variera med soyamjølk, havremjølk eller sjokolademjølk.
Pynten kan vera ein søt raudkløver – som kan etast.
Tips
Skal du ha det som lunsj vil eg tilrå å ha litt salt og litt urter i eggeblandinga, gjerne saman med ein skvett mjølk.
God tur og nyt den tørre brødskiva, som no har vorte ein riddar!
ET UTE
Sigrid Henjum er turmatekspert i UTE. Dei beste oppskriftene er samla i turkokeboka ET UTE.
