Ligg naturleg i oss
I mørket blir vår evne til å sjå redusert eller heilt borte.
– Samtidig har vi eit fryktsystem, som gjer at vi er redd ein gong for mykje heller enn ein gong for lite. Ser du ei løve og ikkje er redd for den, kan det vere det siste du gjer, fortel Hansen.
Fleire kan truleg kjenne seg igjen i at fantasien tek over i mørket.
Særleg på tur åleine i mørket. Scener frå skrekkfilmar ramlar inn i hovudet, og skuggar blir til tussar og troll.
Dette verkar jo ikkje spesielt hensiktsmessig eller rasjonelt?
– Radaren blir meir sensitiv, vi prøver hardare å hente ut informasjon frå det vesle vi oppfattar. Informasjonen blir meir fleirtydig, og det blir lettare å kople det du fangar opp med det som ikkje er riktig. Mennesket har gjennom lang tid vore utsett for farar og då har dette vore fornuftig, seier Hansen.
Korleis bli kvitt frykten
Skal ein bli kvitt redsla for mørket er det eksponering som må til.
Men ein bør starte i det små. For nokre kan mørkredselen bli såpass alvorleg at det blir ein fobi, som påverkar livskvaliteten i negativ retning.
Då bør ein søke hjelp, men Hansen er oppteken av at ikkje all hjelp er god hjelp.
– Som forbrukarar er vi altfor lite kritiske når det kjem til psykisk helsehjelp. Vi har ikkje kome dit at forbrukaren er oppteken av skiljet mellom skulemedisin og alternativ medisin, seier Hansen.
Han råder om å søke hjelp kor ein får assistert, skreddarsydd eksponeringsterapi.
– Dette krev gjerne meir tid og krefter, men er det mest effektive, ifølge Hansen.
Les også
Vi tester jevnlig hodelykter som gjør det mulig å holde på utendørs, selv om det er mørkt ute. Både lette hodelykter og kraftige hodelykter når du trenger mer lys.
