Løping: Slik holder du motivasjonen oppe

Dei store måla er langt der framme, og før den tid er det mykje trening som skal leggast ned og  dei mange kampane og vegen kan verke endelaust lang og demotiverande til tider.

Men det er som oftast verdt det når ein fyrst når målet.

Det gjeld difor å piffe opp vegen dit. Gjere han variert, spennande og morosam. Halde trøkket oppe.

Eg går nokre lange løp i møte denne sommaren, dei fleste av dei i august/september. Desse lange løpa krev da sine lange treningsøkter. Dei lange treningsøktene kan vere spennande i nytt, variert terreng med sola i fleisen, eller dei kan vere tunge og trauste, i kjent, monotont terreng over meterdjupe myrer og i gjennomblaute kle. For korte periodar går det lett å gjennomføre desse tunge øktene, men dersom dette vert mønsteret gjennom heile sommaren dett både motivasjonen og kvaliteten på det eg gjer.

Eg synest kontrastane mellom å ha det tøft i dårleg vær og tungt terreng, og solskinnsdagar i flytterreng kan vere motiverande i seg sjølv.

Eg er ikkje noko A4 idrettsutøvar som ser pallen og gull som det einaste store målet langt der framme. For min del er denne vegen mot målet ein stor del av motivasjonen, og heilt avgjerande for kvaliteten eg legg ned. Så da vert spørsmålet, korleis sprite opp treningskvardagen samstundes som pallen og målet kan nåast?

• Variasjon: Varier treninga, standar treningstips. Lengde, terreng og intensitet. Skap kontrastar i kvardagen. Kjenn etter på dei tunge øktene og la dei bygge opp ein solid mental grunnmur. Ved å ta med seg det tunge slitet vidare vil den kjekke og fine treninga verke enda betre og enklare. Ta vare på den følelse ein sit med etter å ha meistra noko ein ikkje trudde ein skulle klare.

• Utvid horisonten: Planlegg og reist til nytt ukjend terreng. Utforsk nye perler også utanfor nasetippen. Sommaren og ferie gir tid og moglegheiter for slikt.  

• Del treninga: Minna og opplevinga vert enda sterkare dersom eg gjer det saman med nokon. Anten det er å konkurrere saman eller å trene ilag. Inni mellom tallause intervalløkter opp igjennom hugsar eg aller best dei eg har gjennomført saman med nokon.

• Nyt: Ikkje ver redd for å nyte turen. Ja, det er ei treningsøkt, men av og til gjer det godt å stoppe klokka på toppen og ta inn over seg det ein har rundt seg.

• Bryt opp: Ta ein fridag eller to, telttur, fisketur eller middag ute i det fri. La kropp og sjel komme til hektene igjen for så å yte det vetle ekstra neste hardøkt.

I periodar kor eg er drit lei, for å vere ærleg, prøver eg å planlegge kreative og ansleise økter. Med det meiner eg mykje variasjon, og bevegelsesformer eg ikkje pleier å gjennomføre.

Til dømes kan ei treningsveke etter ein lang, tøff og keisam treningsperiode sjå slik ut:

Eg er komen dit at eg tenkjer at treninga ikkje berre er noko eg skal gjennomføre, men at det er noko eg skal ville gjennomføre, og dette kan ein påverke.

Det kan òg i veldig tøffe periodar hjelpe for min del å planlegge mindre, og heller lytte til kropp og sjel. Med det meiner eg å legge vekk treningsplanen ei veke og ta den daglege treninga ut frå dagsform og lyst. 

For min del kan det bety å droppe nokre treningsøkter den veka, men ofte til fordel for neste veke. Eg har trua på lystbetont idrett i botn.

Ønsker du å løpe raskere, kan vi anbefale Jann Post sine tips.