Det at to karar med småborn i heimen og fruer i arbeid får reisa på ein fire vekers farleg tur, er kan hende det mest imponerande med heile turen. Tre andre, litt friare og yngre sjeler danna til saman ei gruppa på fem. Me hadde eit mål for auga, noko som modige sjeler hadde prøvd på før, men ikkje klara: padla kajakk rundt Nord-austlandet.

Kvifor? Ja, kvifor ikkje? Øya ligg der, med alle sine utfordringar og faremoment. Med vakker, heftig natur, med masse isbjørnar og kvalross. Dette var gode nok grunnar til å prøva.