Den hardtarbeidende festivalkomiteen har tatt seg tid til å sende ut følgende informasjon rett før festivalen starter - førstkommende onsdag (25.februar):
– Vi har kontroll, men det blir nokre hektiske dagar og timar fram mot festivalstart, seier Per-Odd Grevsnes, campsjef i Fjellsportfestivalen med ansvar for at alt fungerer i Sognahallen der deltakarane skal overnatta, eta, vaska seg og underhaldast.
Her er litt av jnnhaldet under årets fjellsportfestival, som tek til onsdag 25.februar og varer til og med søndag 1. mars.
Kurs og toppturar: Internasjonalt godkjende tindevegleiarar står for alle kurs og toppturar under Fjellsportfestivalen, med maks seks deltakarar pr vegleiar. Framleis ledige plassar på skredkurs, isklatring og ein del av toppturane. Frikøyring- og droppkursa nærmar seg fullbooking. Fotokurset med Matti Bernitz er fullt både fredag og laurdag.
Fjellsportbutikk og demoutstyr: I samarbeid med Intersport Sogndal byggjer vi ein svær butikk på campen i Sognahallen, med knallgode tilbod på utvalde produkt og haugar med demoutstyr for utlån. Bergans, 7 Blaaner, Alpina Norge, Tendenzer, Ramo, Best Sport, Swix, Skigutane og Mammut er på plass med sine representantar i butikken.
Mat: På campen i Sognahallen byggjer vi ein 400 kvadratmeter svær fjellsportrestaurant. Sjefskokk Gry Tokvam byr på Hjortegryte, Rosa fjordfe, heimelaga karbonade av hjort og fjordfe, kortreist burger og økologisk eplesaft frå Sogn. Frukostsjefen diskar opp med speilegg og bacon, og massevis med andre godsaker. Lunsjpakke er inkludert.
Konkurransar: Fredag er det både rando- og kinesisk utfor. Marit Tveite Bystøl og Ola Hovdenakk er mellom deltakarane i rando-konkurransen. I kinesisk utfor stiller både Fred Syversen og Tormod Granheim. I målområdet diskar Xian Wu Xu opp med kinamat i det fri. Laurdag er det klart for Olav Liheim Big Jump, som har fått norgescupstatus i år. I fjor vart det nytta rundballar for å gjera hoppet størst mogleg. I år er det flytta opp i bakken, slik at det vert Olav Liheim utan ballar, men med lange svev. Konkurranseprogrammet vert avslutta søndag med ville Sogndalsrittet.
Laussnøbuss: Fjellsportfestivalen doblar kapasiteten frå i fjor og køyrer to lausnøbussar i skytteltrafikk til skisenteret, slik at deltakarane kan utforska bratt skogskøyring non stop.
Seminar: Årets seminarhaldarar er Marit Tennø (draumen om Jostedalen), Tormod Granheim (bratt skikøyring), Jørgen Aamot (bratt skikøyring), Stein Bondevik (skred og geologi), Arne Monrad Johnsen (Den siste telemarksvingen?), Kerim H. Nisanscioglu og Jostein Bakke (klimafokus).
Premiering: Utstyrsleverandørane sler til med premiar verd langt over 100.000 kroner. I tillegg tømmer Olav Liheim sparegrisen sin og deler ut 10.000 kroner i pengepremiar til Big Jump-konkurransen.
Jibbekurs: Mattis Forthun er leikesjef med Klaus Finne og Stian Eriksen som instruktørar på jibbe- og hoppkursa i leikelandet vi har laga i Hodlekve Skisenter.
Campen: Med over 600 selde BrattPass til årets fjellsportfestival vert det mykje skifolk samla i Sogndal, og tett med telt i Sognahallen. På campen vår roar vi ned og slappar av med god mat, kveldens video i regi av Hallingdal Folkehøgskule og NRK, minikonsertar med The Generous Days, premieutdelingar osv.
Klatring: På campen i Sognahallen har vi Europas største og brattaste innandørs klatrevegg til fri bruk for seg som har kjøpt BrattPass til Fjellsportfestivalen. Magnus Midtbø er sjefsinstruktør og skal også halda klatreshow og teknikkurs for deg som vil bli apekatt.
Konsertar: Parallelt med Fjellsportfestivalen går Studentveka i Sogndal med konsertar kvar kveld på Meieriet. Onsdag er det Stein P. Aasheim (!) og The oundtrack og Our Lives som regjerer scena. Torsdag er det Low Frequency og Tommy Tokyo som held konsert, fredag DDR og Black Debbath. Laurdag vert Veka avslutta med Svenssen og Surferosa. For deg med BrattPass til Fjellsportfestivalen har vi nokre få billettar til sterkt reduserte prisar.
Igloovernatting: Vi byggjer iglo- og snøholeleir til fri bruk for deg som vil oppleva ei natt med snø på alle kantar.
Les mer om Fjellsportfestivalen her.
